بقلم : محمد الهادي البديري
الاثنين 26-11-2024
ليوم الصباح في قهوة الحومة لقيت سي عبد العزيز وسي لمجد وسي سالم سِبقوني.. أنا جبدت الكرسي وقعدت..
وهاكا علاء القهواجي جابلي قهوتي تقولش عليه يستنّى فيّا…
قتلو يعطيك الصحة يا شباب.. فيسع حضّرتلي قهوتي؟
client جاوبني سي لمجد: لا عاااااد يا محمد، هذيكا قهوة ماقبلهاشق
قبلك جابهالك علاء
صاح علاء وراس دَادَا لاصارها
سي محمد بالذات عمري مانعطيه قهوة خايبة ولاّ نغُشّو…
قُلتلو: نعرف نعرف يا علاء… سي لمجد يفدلك عليك
تلفّت علاء لسي لمجد وقالّلو: آش قُلت في المشية لعين دراهم؟
تهزّني معاك كيما وعدتني؟
جاوبو سي لمجد: مانعرفش يا علاء، يمكن نمشي يمكن لا
تكلّم سي سالم وقال: يا علاء، سي لمجد يحب يقلّك أنا ماشي آما مانحبش نهزك معايا
ههههههه… ملاّ شِلّة طُحت بيها
