بقلم : محمد الهادي البديري
الجمعة 22-11-2024
ليوم الصباح في قهوة الحومة قاعد مع سي لمجد وسي الصادق وسي لامين ندردشو كالعادة ونتحدّثو في برشا مواضيع وخاصة تهديد فلاديمير بوتين البارح لأمريكا والدول الأوروبيّة باستعمال السلاح النووي، تلفّت سي الصادق وقال إن شاء الله يضربهم بالنووي خلينا نرتاحو منهم ونقعدو رايضين… جاوبو سي لامين: شبيك تخلوض يا صادق؟ إذا وقعت حرب نووية لا يقعد في الكرة الارضية حتى إنسان، بكلّنا باش نموتو، ويمكن مايمنعو كان العلالش في حقول أستراليا البعيدة…
تكلّم سي لمجد وقال على ذكر العلالش ثمّة راجل جريدي راقد طلبو واحد الخمسة متاع الصباح قالو : اسماعين معايا ؟ قالو : أولا اسماعيل موش اسماعين ثانيا انا احمد موش اسماعيل ثالثا سيدنا اسماعيل كيف جا باباه يذبح فيه ما فيقوش الخمسة متاع الصباح هههههههه
