بقلم : محمد الهادي البديري
الثلاثاء 10-12-2024
ليوم الصباح وأنا ماشي لقهوة الحومة عرضني سي عادل البوسطاجي على الموتور الأصفر، وقف بحذايا يسلّم ويوشحل. قُلتلو يا عادل عندكش نكتة جديدة؟
قاللي: ثمّة زوجة قالت لراجلها
قُلّي كلام يفرّحني ويغشّشني في نفس الوقت
قاللها: محلاك، يا ليت عندي منك أربعة
قُلتلو: مادامك تخمّم هكّا برّا سافر لسوريا أهوكا القائد الداعشي الجديد أبو محمد الجولاني دخل لدمشق وباش يحلّ اللعب في أربعة نساوين، أما في تونس مضمض من الحكاية هذي… نساء بلادي نساء ونصف كيما قال الصغيّر أولاد احمد ربّي يرحمو
قاللي: حتى أنا باش نفرّحك يا حمّة الغالي، هاني جبتلك فاتورة الضوء وفيها مليون ونصف كيف نساء بلادي
هههههه
