قلم : محمد الهادي البدير
الاثنين 2 ديسمبر 2024
اليوم الصباح تعدّيت لفرع أوريدو باش نخلّص إشتراك الأنترنات، أنا من وقت « هربت بجلدي » من الوظيفة العمومية في إطار التقاعد المبكّر الإختياري ماعادش نخلّص الفاتورات
en ligne
بل نمشي للإدارة المعنية ونخلّص في الكاسة
عاد أنا واقف في الصف وجاتني بنية صغيرة تجري قتلي: »بابا .. بابا »
قالتلها أمها : »كان جا بوك كيما هذا راني ما نسيٌبوش يخرج مالدار »
أمها تصلي و ما تكذبش
ههههه
الاثنين 2-11 2024
يوميات في الحومة
بقلم : محمد الهادي البديري
صباحكم بالخير
اليوم الصباح مامشيتش لقهوة الحومة بإعتبار اليوم نهار جمعة وأكثر اصحابي مغرومين بصلاة الجمعة، رغم انهم في بقية الايامات مايصلّوش لا في الجامع ولا في الدار … آش علينا فيهم
ولّيت عملت تقريبا ستة كيلومتر رياضة المشي marche ومن بعد تعدّيت للمغازة باش نشري قضيات… لقيت غازي وِلد سي المنصف صاحبي هو وخولة زوجت
-صباح الخير عمّ محمد
-صباح الخير يا غازي
-صباح النور يا خولة، شنية احوالكم؟
-لاباس عمّ محمد
-لا ماناش لاباس tonton
-علاش اللطف؟ آش صار يا بنيتي؟
-يعجبك ؟ tonton البارح سألت غازي: أنتَ خذيتني على زيني ولاّ على قرايتي ولاّ على اخلاقي؟
جاوبني: لا خذيتك على قدّ عقلك…
ههههههه… الله يتولاّك يا غازي .. طلعت لبُوك…
الجمعة 15/11/2024
