بقلم محمد الهادي البديري
الاثنين 3 فيفري 2025
صباح الخير وبداية اسبوع موفّقة للجميعب
اليوم الصباح في قهوة الحومة لقيت سي عامر مدير الكولاج
-صباح الخير يا عامر
-صباح الخير يا حمّة
-جيت البارح وكان سهّل ربّي عندي سفرة أخرى بعد سيدي رمضان لسلطنة عُمان في إطار ندوة حول التعليم
-صحة ليك خويا حتى انت صاحبك الوزير بكلّو
-الكلام هذا وصّلو لسي ابراهيم الفريضي وسلّم عليه
نحنا هكاكا وجانا علاء القهواجي للطاولة وقاللي: سمعت بالغريبة سي محمد ؟
-لا يا علاء يسمّعنا الخير
-جارنا في الحومة مريض مسكين يعالج على السرطان. توّة عندو فترة طويلة قاصّين عليه الدواء على خاطر الدولة ماجابتش الدواء من الخارج.. زوجة جارنا ما خلّات ما عملت مسكينة وحتّى مالوزير شكاتلو والنافع ربي
جارنا مات عندو ثلاث أيّام .. نهارة الدفينة متاعو جاء ميساج في تاليفونو من الكنام قاتلو إيجا خوذ الدواء
قُلتلو: الله غالب يا علاء، ماهيش هذي الكنام إللي أسّسها عَرفي سي السيّد بلال في عام 2004 وطوّرها عَرفي الوزير سي الناصر الغربي في عام 2005.. هذي كنام الهانة ورڨود الجبّانة.. للأسف
Toutes les ré
