بقلم : محمد الهادي البديري
الاربعاء 5-2-2025
هاركم فلّ وياسمين..
اليوم الصباح في قهوة الحومة قاعد مع سي لمجد وسي الصادق وسي لامين نحكو على تصريحات دونالد ترامب الغريبة ومواقفو المتطرفة مع العالم لكل: الفلسطينيين والأوروبيين وكندا والمكسيك وبانما واكرانيا … الرجل كاينّو بِلدوزار يسحق كل شيء يكون في طريقو
نحنا هكاكا ودخل للقهوة سي بولبابة صاحبنا تارزي الحومة واصيل ڨابس
شنية احوالك يا بولبابة؟
الحمد والشكر لله يا جماعة
شبيك داخل تضحك وحدك يا بولبابة؟
والله يا جماعة طلبتني عواطف بنت أختي من مارث قالتلي يا خالي تعرفش أحسن طبيب جرّاح في ڨابس؟
قّلتلها: جورج وسوف
ههههه .. ملاّ كارثة سي بولبابة
Toutes les réactions :
66
