بقلم : محمد الهادي البديري
الثلاثاء 18-2-2025
صباحكم مزيان وبالفرحة مليان
اليوم الصباح في قهوة الحومة قاعد مع سي الصادق وسي لامين وسي لمجد وجاء بحذانا سي توفيق المزيو ولد عمّ المرحوم سي زُبير مزيو أستاذي في المعهد الصادقي والمسؤول السابق عن لجنة التحكيم في جامعة كرة القدم
قال سي توفيق: البارح صارلتلي غريبة يا جماعة
قلنالو: إن شاء الله خير، هات أحكيلنا يا توفيق
قال: البارح خذيت تاكسي من باب الفلّة للحومة، والتاكسيستي يرحم والديه مانيش بش ننساه جملة وبلحق عرفت الي مزال فما خير في الدنيا
خذيت تاكسي وانا فوقي كان 7 دينارات وشاري كعبات ياغورط للدار .. حاسيلو الكورسا جات 7 لاف و 200..دخلت يدي في جيبي خرجت هاك السبعَلاف ومدّيتهملو .. شافني هكاكا حاشم قلي ياخويا ناقصين 200 مليم، قتلو اي
قالي باهي هات كعيبة ياغرط ونولّو خالصين
ههههه … مطلعو في الطلالع سي توفيق
Toutes les réactions :
24Mohamed Chebbi, Mohamed Eloued et 22 autres personnes
