بقلم : سالم حمزة
في عهد الزعيم كان فمّا قانون يسمح للمقيمين بالخارج باش يوَردوا سيارة عمرها أقل من 10 سنين: يخلصولها ديوانتها و يبيعوها.. حبيب ولد خالي الله يرحمو جاب لي
R5
.. بسُومها في فرنسا مع ركوبها و ديوانتها تكلفّت بمليون و 440 دينار.. فقط فقط
الكرهبة إلّي عمرها 10 سنين في أروبا أنظف من كرهبة عايشة 5 سنين في كيّاساتنا و زِيد أرخص من مُوتور في تونس
معناها لو تعدّى القانون في مجلس النواب راهو أسطول الكراهب تجدّد و أسوام الكراهب رخصت..لكن مع نواب يخدموا في أسيادهم باش يبقى المواطن تحت رحمة الموردين.. و حتى الكرهبة الشعبية ولّات لمن استطاع إليها سبيلا
