بقلم : سالم حمزة
هاك العام طلع مسؤول قال: إفلاس الصناديق الاجتماعية سببها أن المتقاعدين ولّوا يعيشوا برشا.. قلنا برّا بركا تزليطة أُخرِجت من سياقها
المرة هذي سي مهدي الدريدي الرئيس المدير العام متاع الكنام قالك: الدواء إلّي باش نعطُوه لمريض مُسِن وباش يزيدلُو في عُمرُو 6 ولا 7 شهور يولّي الطفل والشاب أَولى بالدواء هذاكا خاطر باش يزيدلُو في عُمرُو 60 سنة
هو من بَرّا من بَرّا كلام منطقي لو كان سي مهدي الدريدي يداوي فينا من فلُوسُو.. أما راهِي ال CNAM و CNRPS ماهُمش عاملين مزية على المتقاعدين: هذي فلوسنا مخُبية عندكم
ثم يا سيدي كان بالرسمي المتقاعد ولّى يعيش برشا وماحبّش يموت وولّى عبء على الكنام: أعطوه زُرّيقة باش يتوكّل وترتاحوا.. راهُو ساهل: مرهُونة في مجلس النواب يقترح ويوافق على قانون الموت الرحيم
