بقلم : محمد الهادي البديري
الخميس 23-1-2025
صباح الخير والخمير للجميع
اليوم الصباح في قهوة الحومة قاعد مع الجماعة نتناقشو في برشا مواضيع كيف الامطار الأخيرة إللي انعم علينا بيها ربّي وانتخابات جامعة كرة القدم والحالة الحليلة إللي عليها النقل العمومي في تونس
نحنا هكاكا ودخل للقهوة نذير وِلد سي الناجي صلاّح التليفونات، ومشى للكنتوار وطلب قهوة من عند علاء القهواجي
لكن سي علاء ماحبّش يعطيه وقالّو هات الفلوس قبل
تلفّتلو سي لامين وقلّو اعطيه قهوة يا علاء وتوّا نخلّصك فيها
فرح نذير وقال يعيشك ويفضلك سي لامين
قاللو سي الصادق: علاش ماتخدمش يا نذير ونهار وطولو وأنت بطّال
جاوبو نذير وعلاش الخدمة والتعب سي الصادق؟
قاللو سي لمجد: ماهو بالخدمة تولّي بفلوسك وتعيش شايخ وتحقق أحلامك
جاوبو نذير: الحمد لله يا سي لمجد، هاني عُمري 25 وفخور بروحي على خاطر حققت اللّي الناس تحققو في عمر ال 60..
جاوبتو أنا آش حققت يا نذير؟
قاللي : فقدان الذاكرة وتساقط الشعر و وجايع الظهر و الركبة
ههههه .. يطلع مِنّو وِلد الناجي
Toutes les réactions :
19Khlifi Ridha et 18 autres personnes
