بقلم : محمد الهادي البديري
السبت 1فيفري 2025
صباح السرور والحبور والورد المنثور لاحلى أصدقاء
اليوم الصباح في قهوة الحومة قاعد مع سي لمجد وسي الصادق وسي لامين.. ودخل مُراد ولد سي العيساوي الشيفور متاع قطار الخطوط البعيدة
-صباح الخير يا جماعة
-صباح الخير يا مُراد شنية احوالك واحوال الدنمارك
-الحمد لله، لكن أنا نعيش في السويد عمّ لامين
-لكلّها كيف كيف يا مُراد الطقس بارد والنساء المزيانين
-فيبالك عمّ لامين آش قالتلي جدّتي هاك النهار ؟
-أحكيلنا آش قالت، نعرفها خالتي معيوفة عندها طلعات تضحّك
-عندي عامين مِلّي عرّست بطفلة سويديّة، والعام هذا جبتها معايا لتونس، شافتها جدتي قالتلي: ها مُراد الطفلة هذي باهية خليها لهنا لخوك وأنت كيف ترجع جيب وحدة اخرى
هههههههه
Toutes les réactions :
1818
