بقلم : محمد الهادي البديري
الثلاثاء 4-2-2025
نهاركم مبروك سعيد
البارح 3 فيفري ذكرى وفاة كوكب الشرق أم كلثوم ( 3 فيفري 1975)
هاك الطفلة الصغيرة فاطمة بنت الشيخ إبراهيم السيد البلتاجي إللي تولدت في محافظة الدقهلية بالخديوية المصرية في 31 ديسمبر 1898 أو رسميًا حسب السجلات المدنية في 4 ماي 1908 كسّرت كل الموازين الغنائية وفسّخت بصوتها وإحساسها كلّ المغنّين والمغنّيات من إللي سبقوها وإللي عاصروها وإللي جاو بعدها حتى لليوم
أنا من عشّاق أم كلثوم وكنت نسجّل أغانيها من الإذاعة كل نهار إربعاء في الليل من 11 إلى نصف الليل، ماكانش عندي فلوس باش نشري كاسات حاضرة وكنت نشري
cassette
فارغة من نهج زرقون ونسجل عليها الأغاني ( كل كاسات فيها أغنية وحيدة باعتبار الأغنية تشدّ من خمسين دقيقة لساعة أو اكثر) وكنت نشري غلاف الكاسات عليه إسم وتصويرة أم كلثوم من مطبعة في أريانة بحذا صنبة المنڨالة
كانو عندي اكثر من 200 كاسات كل وحدة فيها غناية وحدة لأم كلثوم
ستبقى السِتّ كوكب الشرق أم كلثوم أعظم مطربة عربية عرفها التاريخ
Toutes les réactions :
55
