بقلم : سلم حمزة
الجمعة 31 -1-2025
نتذكر مرة كتبت اقتراح حول خطة المعتمدين: علاش ما يكونش انتداب المعتمدين من خرّيجي المدرسة الوطنية للإدارة
تفكرت الاقتراح وقت سمعت بإعفاء بعض المعتمدين.. ناس كانوا في حالة بطالة.. يلقوا رواحهم مسؤولين و
prestige
و سُكنى و كراهب إدارية و تواصل مع وزراء و رؤساء مناطق و رجال أعمال
و بعد سنوات يرجعوا لحالة البطالة مجدّدا.. فمّا شكون دخل الهيلمان هذا وهو عازب و تعرّف على بنت الناس وهو معتمد و تزوجها وهو معتمد و ولدت وهو معتمد..
و من زوجة المعتمد و ولد المعتمد لزوجة البطال و ولد البطال
هكّا قاعدين نشجعوا في المعتمدين المباشرين أو القادمين باش يستغلوا فترة الخدمة للتعكعيك و ربط علاقات مع رجال الأعمال
هكّا قاعدين نشجعوا فيهم باش يعملوا بالمثل (لو دامت لغيرك لما آلت إليك..) لكن مُوش بالمعنى الصحيح.. أما بمعنى (لن تدوم لك.. اضرب ضربتك اليوم قبل غدوة..)
 | RépondreTransférerAjouter une réaction |
